Бүгін ҚМДБ Төрағасы, Бас мүфти Наурызбай қажы Тағанұлы хазіреттің бастамасымен іске асып жатқан «QURBAN-2020» онлайн қайырымдылық акциясы аясында Алматы қаласы өкілдігі қасиетті Құрбан айт мерекесінің бірінші күнін онлайн құрбан шалу рәсімімен бастады.

Онлайн құрбандық шалу рәсімі карантин талаптарын сақтауға арналған qurban2020.kz вебсайты арқылы жүзеге асты. Яғни қашықтан онлайн құрбан шалуға ниет білдіріп, аталған сайт арқылы мал түрін таңдап, ақшасын аударған жандардың шалған құрбандықтары сайт арқылы өтінім берген мұқтаж отбасыларға жеткізілді.

Бұл рәсім аясында Алматы қаласы бойынша әзірге 290 уақ мал (қой, тоқты, ешкі), 6 ірі қара (сиыр) мал құрбандыққа шалынып, құрбан еті 1000-нан астам отбасыға үлестірілді.