Түркістан облысы, Созақ ауданы бойынша Таукенттегі "Жыныс ата" мешітінде қайырымдылық шаралары жиі өтеді. Имамы еңбекқор, тыным таппай дінді насихаттаумен келеді. Зекет дәрістерінің нәтижесінде жергілікті өндірістік компаниялар да көмек бере бастады.

Кенттегі тұрмысы төмен отбасыларға мешіттен жиі жәрдем беріліп тұрады. Бұл жолы да пітір садақасы түгел жұмсалды.

115 отбасыға 1 млн 150 мың теңгеге азық-түлік үлестірілді. Әр пакетте 10 кг ұн, 5 келіден күріш, қант, май және т.б заттар бар. Мешіт имамы Нұрғиса Мырзабеков ҚМДБ шараларына үлес қосқан азаматтарға ризашылығын білдірді.