ҚМДБ-ның Маңғыстау облысы бойынша бас имамы Әнуар Елжанов Маңғыстау облыстық тарихи-өлкетану музейіне барды.

Ол мұнда музей директоры Тамара Жұмалиева мен Маңғыстау өңіріне белгілі қаламгер, өлкетанушы Отыншы Көшбайұлымен кездесіп, музей жұмысымен танысты. Жүздесудің салт-санамызды дәріптеп, ұлттық дәстүрімізді ұлықтап, оны дініміздің асыл құндылық-қағидаларымен ұштастыру арқылы салауатты ұрпақ қалыптастырудың тиімділігі жайлы бастамалар айтылды.

Бас имам ҚМДБ-ның 30 жылдық мерейтойына «30 игі шара» жобасы негізінде Ислам тарихы мен салт-дәстүрімізден сыр шертетін арнайы көрме өткізу керегін тілге тиек етті. Отыншы Көшбайұлы өзінің Маңғыстау өңірінің тарихынан сыр шертетін «Маңғыстау ғашықтары мен арулары», «Жусан исі» атты кітаптарын бас имамға сыйға тартты.