«Міркемел» мешіті

Сырдария ауданы С.Сейфуллин аулында орналасқан. Құрылыс 2007 жылдың көктемінде басталып, 2007 жылдың күзінде пайдалануға берілген. Құрылысын «Қамқор» тұтыну кооперативі жүргізген. Қаражатын ауыл тұрғындары көтерді. Сонымен қатар «С.Сейфуллин жер» ЖШС-гі, аудан әкімдігі, «Бастау» мұнай компаниясы  және т.б. азаматтар көмек көрсетті.

 Жер аумағы 0,15 га. Бір қабатты, шатыры шифермен жабылған, биіктігі 3 м, 2 терезелі, 5 бөлмелі. Қабырғалары қышпен қаланып, сырты сыланып, әктелген, ғимараттың ұзындығы 12 м, ені 12 м. Күмбезі мен мұнарасы жоқ. Есіктен кіреберісінде 6 шаршы метрлік дәліз, одан әрі сол жағында 9 шаршы метрлік жылыту пеші, 12 шаршы метрлік имамның қабылдау бөлмесі, ал оң жағында 12 шаршы метрлік балалардың дәрісханасы орналасқан. Үлкен залдың іштен есептегендегі ұзындығы 11 м, ені 5 м., 2 терезе орнатылған. Іші заман талабына сай әрленген. Үш баспалдақты мінбер қойылған.